|
Pubblicata in data : 27/6/2007
Pajìsi meu, si’ affrittu e condogliatu
ca l’anama perdisti cu lu corpu:
‘u corpu ‘e cima a peda è ncajatu,
l’anama non trova cchjù cumportu.
Rimanisti ciucciu senza capizza,
pagasti sempa tu i spisi da mundizza,
e n’attra vota ti misaru ahra gogna.
A penzara bena… tu si’ peccaturi,
sapivi ca sempa chihra è ‘a mercanzìa
po’ cangiara stoffa, cangiara culuri
ma è ‘u genera chi non ava garanzia.
I mercanti ti presentanu la lista,
tu non essara ‘u solitu maccarruni,
oramai u sai c’a merci è chista
tu u sbacanti, ihri su linchjanu ‘u gurzuni.
Non nci sperara ca la merci cangia
si de n’attru culuri si tingia,
‘a tila janca si po’ fara scura,
ma è stessu filatu, stessa lurditura.
Autore
(...l’alta getillo)
|
